martes, diciembre 03, 2019

XOGO E MOVEMENTO

No taller de Xogo e Movemento conmemoramos o Día Internacional das Persoas con Discapacidade facendo un exercicio de empatía, poñéndonos no sitio de persoas con discapacidade cando xogamos e pensando todo o que SI podemos facer xuntos. Previamente na Biblioteca traballamos estes libros que nos falan e animan á INCLUSIÓN.
 
A proposta é preparar un círcuíto que un compañeiro cego/ en cadeira de rodas...poida facer canda nós.Botamos a sortes quen vai ser o compañeir@ con discapacidade e que discapacidade.

domingo, diciembre 01, 2019

DÍA DAS PERSOAS CON DISCAPACIDADE

Resultado de imágenes de Catarina e O oso

 No Taller de Xogo e Movemento, con axuda deste libro recordaremos que INCLUSIÓN  é o camiño e descubriremos xuntos moitas maneiras de facelo en diferentes circunstancias.

lunes, octubre 28, 2019

BIBLIOTECA ESCOLAR VIVEIRO DE CIDADANÍA

Data: Xoves 24 de Outubro / Luns 28 de Outubro
A partires das 12:15 na Biblioteca da Escola
 

Actividade:

- Exposición de Libros do Mundo na Biblioteca da Escola.
- Nobugh, o pai de Nebrás veu á escola a ler para os nenos e nenas pequenos contos en árabe, ruso e italiano.
- Facemos un marcapáxinas reutilizando os plásticos sobrantes de plastificar, debuxando con rotuladores permanentes e con pegatinas. Xogan coa transparencia do soporte.
A data foi comemorada por primeira vez en Outubro de 1999.
Este día ten como obxectivo destacar a importancia das Bibliotecas Escolares na educación, asi como promover o gosto pola lectura.
As bibliotecas escolares desempeñan un papel moi importante nas escolas e son un vehículo de transmisión de coñecemento, non só a través dos libros mais tamén das actividades que aqui se desenvolven.

lunes, octubre 21, 2019

A NOSA ESCOLA NA ALDEA

Apañamos castañas na finca de Helena, unha amiga da escola.
Visitamos esta finca con gran variedade de árbores,fomos dando un paseo ata alí dende a escola nunha maña solleira despois da merenda. Puxemos a proba a nosa habilidade de apañadores de castañas e Julio, o pai de Helena, fixo coroas para os que atoparon a castaña máis grande e tamén para o que apañou a máis pequena.
E, sorpresa final, a casa de Helena é unha casa con moita música e deixounos tocar un pouquiño o seu piano. Voltamos felices á escola despois desta experiencia que nos proporciona o noso contorno e os bos e xenerosos amigos da nosa escola na aldea.




miércoles, septiembre 25, 2019

FOLGA MUNDIAL POLO CLIMA

O Venres 27 de Setembro a Escola de Verducido súmase á Folga Mundial polo clima.
Dende que comezamos as aulas fómonos concienciando deste grande desastre.
O venres ás 13.45 no patio da escola ides poder ver un resumo do noso traballo no mural reivindicativo que mostraremos, estades convidados a participar nesta xornada.
Faremos entrega do Compromiso residuos cero nas merendas, que levarán á casa para que asinen as familias e o luns o traen á escola para asinar cada neno e nena diante dos compañeiros/as.
Este compromiso consiste en procurar que as nosas merendas non veñan cubertas de plástico, aluminio… e se traemos auga ou zume, que veña nunha botella reutilizable, por exemplo.
CAMBIAR O MUNDO É COUSA DE NENAS E NENOS!!!!!!!!!!!!!!


lunes, septiembre 09, 2019

BENVIDA CURSO 2019-2020

REUNIÓN COAS FAMILIAS               XOVES 5 DE SETEMBRO ÁS 20:00 


COMEZAMOS O MÉRCORES 11 ÁS 9:00 CUNHA BENVIDA XERAL PARA NENOS/AS E FAMILIAS NA AULA DE INFANTIL

 - Presentación das mestras para o curso 2019-20
Titora 1º e 2º de Primaria. Maica Cotelo Cancela
Titora E.Infantil 4º,5º e 6º. Raquel Mera Dios
Inglés: Isabel Moure
AL: Naiara Tomé
Orientación: Soraya Cortizo
Relixión: Manuel Pampín
    1.-Pregamos puntualidade e seguir o menú de merendas semanais establecido pola escola.
    2.-Lembrade que ás 8:45 hai unha mestra de garda na súa aula por se precisades que o/a neno/a quede na escola. Esta semana estará Raquel de garda.
    3.-Tamén lembrade que temos cadeiras elevadoras para o coche por se alguén a precisa en algún momento.
    4.-PLAN DE ACOLLIDA EN SETEMBRO: Os nenos e nenas de INFANTIL entraran en duas quendas, uns ás 9:00 e outros ás 9:20 según preferencia das familias.
    5.-Os Martes pola tarde a partires de Outubro,de 5 a 6 da tarde, a Biblioteca da escola está aberta para todos. Tamén haberá un Taller de monicreques que xestionaremos entre mestras e pais e nais do alumnado e teremos tamén charlas e encontros para nais e pais sobre temas de interese para a educación dos nenos/as.
    6.-Educamos con respecto para o respecto, sen premios nin castigos, cos límites que o respecto polos demais, por si mesmos e polos bens que os rodean precisan.
    7.-Dende os 3 anos os nenos e nenas teñen para casa DEBERES: LER, todos os días.
    Ao principio serán os adultos os que teñen que ler para eles todos os días sen falta, pouco a pouco irán os nenos e nenas lendo para os pais/nais:TODOS OS DÍAS.
    8.- Continuaremos na escola co proxecto da Horta Ecolóxica e Alimentación, traballaremos arredor do HUMOR, tema proposto polo Salón do Libro e o noso Proxecto Xeral da Escola para este curso será : A NOSA ESCOLA NA ALDEA, coñeceremos a contorna da escola,e a vida na aldea. Faremos un inventario de recursos medioambientais, patrimoniais, persoais..para a nosa investigación.
    Agradecemos a colaboración de toda a Comunidade Educativa de Verducido para o éxito deste proxecto para este curso.


BENVIDOS AO CURSO 2019-20

martes, junio 04, 2019

DÍA MUNDIAL DO MEDIO AMBIENTE

Durante a Semana do 3 ao 7 de Xuño, celebramos na escola de Verducido o Día Mundial do Medio Ambiente cun intercambio de plantas e sementes.
Convidamos a toda a Comunidade Escolar a participar.
De 9:00 a 14:00 horas pasade polo colexio. Nos soportais da entrada temos plantas e sementes que proveñen da horta da escola. Podedes levar o que poidades plantar.
Participade nesta experiencia, para ser feliz hai que compartir. Queremos que os nosos nenos e nenas sexan felices e aprendan a compartir.



miércoles, mayo 22, 2019

NACERON OS PITI´ÑOS

 Despois de moito agardar, por fin naceron os pitiños na clase de Infantil de 4 e 5 anos.
 Cando medren un pouquiño faremos un sorteo para levalos á casa e podelos coidar.

XUNTOS APRENDEMOS TODOS /" AS/OS AMIGOS CONTAN"

Esta actividade consiste en convidar aos amigos/as da nosa escola ( familias, veciños...) a vir ler, contar contos, experiencias, cousas relacionadas cos seus traballos ou aficcións aos nenos e nenas da escola.


Obxectivos:
Crear na escola oportunidades de participación para a Comunidade Educativa creando así un clima de colaboración e complicidade entre a escola e a familia que tanto vai favorecer aos nenos e nenas no seu desenvolvemento: Todos aprendemos e ensinamos.
Animar aos nenos e nenas a ler, proporcionándolles modelos de lectura.
Animar aos nenos e nenas a participar e colaborar coa comunidade tendo aos seus pais como modelos.



 Da súa man coñecimos títulos marabillosos e moi recomendabeis :
- A chave dos soños.
- El caballero que no quería luchar
- Bágoas debaixo da cama
- Cuando las niñas vuelan alto
-El jardín curioso.







  • A comunidade Educativa aprende e ensina.
  • Utilizamos os recursos dispoñibles na Comunidade para apoiar a aprendizaxe.
    Facemos un inventario de recursos persoais, patrimoniais, paisaxisticos, etc.

miércoles, febrero 13, 2019

O NOSO PROXECTO EDUCATIVO

A EEI. De VERDUCIDO, escolariza nenos e nenas dende 3 a 7 anos ( 2º ciclo de Educación Infantil e 1º e 2º de Primaria).
O horario é de 9 a 14 horas.
Se algunha familia o precisa temos un plan de garda para que os nenos/as poidan quedar na escola ás 8:45.
Non temos servizos complementarios: transporte nin comedor.
Os martes pola tarde poden acudir á Biblioteca.

Plan de acollida e adaptación para os nenos e nenas e as súas familias:
A partires do 26 de marzo podedes vir cos nenos e nenas á Biblioteca da escola de 4:30 a 5:30 da tarde. Durante o mes de xuño, poden vir ao recreo de 11:30 a 12:00. Non é obrigatorio asistir sempre pero aconsellamos vir algunha vez para que tanto eles como vós nos coñezades e que no mes de setembro sexa máis doado para todos esa separación para comezar unha nova etapa na vida de toda a familia.

 
Vos convidamos a visitar o colexio os martes 19 e 26 de febreiro pola tarde de 4:30 a 5:30 para que nos poidades coñecer mellor.
    Prazo de solicitude de admisión: do 1 ao 20 de Marzo.


Teléfono: 886151589


O noso Proxecto Educativo

- Proporcionar un desenvolvemento armónico aos nen@s autonomía.

- O respecto e o diálogo son a unidade de medida nas relacións entre todos os membros da Comunidade Educativa. Educamos aos nenos e nenas con respecto e diálogo para que aprendan a respectar e dialogar.
- Acompañamento, estimulación e motivación ao alumnado no proceso de aprender a aprender e construir o seu coñecemento e adquisición das ferramentas instrumentais ao longo de toda esta etapa, respectando a diversidade e os seus ritmos de aprendizaxe.

- Consideramos educativos todos os espazos e todos os tempos na escola. Valoramos e aproveitamos a localización no medio rural pola importancia do contacto, xogo e aprendizaxe na natureza.

- A nosa escola é unha Comunidade Educativa na que todos aprendemos e ensinamos, actuamos como dinamizadores socioculturales do contorno.

- Favorecemos a complicidade familia- escola tan importante para un bo desenvolvemento dos nenos e nenas fomentando a participación,colaboración e implicación das familias.


Contamos con:

  • Unha Biblioteca chea de bos libros que nos acompañan no descubrimento do mundo, cultural e emocionalmente.
  • Un patio cheo de area,cubos, camións, troncos,árbores,cociña…. que conseguen que os nenos e nenas salgan ao patio todos os días con proxectos novos para levar adiante colaborando e xogando xuntos grandes e pequenos.
  • Unha horta ecolóxica que atendemos coa colaboración das nais. Aprendemos de onde veñen os nosos alimentos, a importancia dunha alimentación saudable e o respecto ao medio ambiente e a biodiversidade.
  • -Estamos moi preocupadas porque os nenos e nenas vexan a importancia dunha alimentación saudable. Facemos pan e iogur na escola para merendar, temos un menú de merendas para a semana. Nas festas ofrecemos froita e
  • Un Plan de Convivencia enfocado na prevención:
    -Facemos Asembleas periódicas con todas as alumnas e alumnos onde expoñen os seus problemas e preocupacións e buscamos solucións entre todos.
    -Traballamos en Talleres ( Horta, cociña, plástica, Música, Xogos Cooperativos...)nos que traballan en grupos nos que hai alumnos /as de 3 a 7 anos, xuntos , colaborando e aprendendo todos de todos.
    -Un plan para que os maiores acompañen aos pequenos nas saídas fóra da escola.
    - Educamos en igualdade aos nenos e nenas.
    -Un plan de mediadores e vixiantes do patio para axudar a resolver conflictos e ver que ninguén estea só e triste no patio.
  • Xuntos, aprendemos todos é un plan da escola para fomentar a participación das familias
    - Os amigos/as Contan : Os nais e pais están convidados a vir contar contos, explicar en que consiste o seu traballo ou calquera cousa interesante que queiran compartir con nós.
    - Colaboración na horta e actividades relacionadas.
    - Participación nas festas da escola
    -Xornadas de convivencia da Comunidade Escolar ( familias e mestras) un sábado a comezos de curso e outra na primavera.
    -Visita ao Salón do Libro e outras exposicións ou actividades interesantes algún día pola tarde con familias e mestras.