jueves, mayo 30, 2013

HORTA ECOLÓXICA E ALIMENTACIÓN

  Esta actividade levámola adiante coa colaboración de Aurea a  nai de Antón de Nonon,  nai dunha ex-alumna, Zeineba, sen elas non sería posible este proxecto.

Obxectivos:

Coñecer á orixe dos alimentos que comemos.

Coñecer a importancia dunha boa alimentación para a saúde.

Coñecer a importancia de comer bos alimentos, cultivados de maneira ecolóxica.

Coñecer os animais perxudiciais para a horta e buscar maneiras ecolóxicas de evitalos. Loita biolóxica.

Coñecer os animais amigos da horta e buscar maneiras de favorecelos.

Comprender a importancia da biodiversidade.

  • Competencia no coñecemento e a interacción co mundo físico.

Actividade:

- Este ano, comezamos o traballo na horta no mes de Marzo transplantando os amorodos que xa tiñamos e plantando frambuesas.

Plantamos sementes de leituga, cenoura, rabanitos e remolacha.

Máis adiante puxemos sementes de xirasol, caléndulas e tajetes.

Plantas de Remolacha, cabaciña e tomates.

Temos tamén espinaca da que plantaramos o ano pasado.
  • Traballamos na horta regando.
  • Traballamos na horta quitando as herbas que non nos interesan, xa temos autenticos expertos en saber que plantas corresponden as sementes que plantamos.
  • Xa probamos os amorodos e os rabanitos.
  • Para fin de curso imos facer un taller de cociña para preparar tortas e galletas para a festa dos aniversarios do 3º trimestre.

Temos rabanitos, espinacas, cabaciñas, remolachas, cenouras.
Xa comimos amorodos.....





viernes, mayo 24, 2013

VISITA AO AREEIRO

VISITAMOS O AREEIRO https://picasaweb.google.com/109349631551482417828/Areeiro

Obxectivos:

  • Coñecer as instalacións da estación fitopatolóxica do areeiro de onde no outono traemos froitos “exóticos” para degustar na escola.
  • Loita bióloxica para poder cultivar unha horta ecolóxica.
  • Importancia da biodiversidade.
  • Cando unha planta enferma, no areeiro averiguan porque enfermou e investigan que facer para curala e que podemos facer para que non volva a enfermar. 

Competencias:

Competencia no coñecemento e a interacción co mundo físico.

Actividades:

-Visitamos a zona de laboratorios onde lles explican a grande variedade de especies coas que traballan e a grande variedade de especies que existen.

Explicanlles que investigan na loita biolóxica para evitaren que haxa bicos que coman as especies que nos interesan no canto de utilizar velenos.

  • Déronos unhas sementes que plantaremos e faremos un seguimento do seu proceso de crecemento. Comentarémolo con Angeles, do areeiro.
  • Tamén nos deron un camelio que plantaremos no xardín zen da nosa escola xa que vai moi ben esta planta que provén do xapón en este tipo de xardín que tamén ten orixe oriental.


domingo, mayo 19, 2013

VISITA Á ESTACIÓN FITOPATOLOXICA DO AREEIRO

http://www.efa-dip.org/ga/index_ga.htm
Nesta páxina podedes atopar información sobre o traballo da estación que podevos ser de interese.

Dentro do noso proxecto inscrito no Plan Proxecta: "A importancia da alimentación : alimentos de orixe vexetal", o próximo venres 24 de maio, visitaremos a zona hortofrutícola do areeiro.
Xa no outono, degustamos froitas cultivadas no areeiro: feijoa e guayaba-fresa.
Na horta da escola xa temos en flor o marmelo e a cerdeira e temos amoras na moreira.
Seguro que aprenderemos como coidar mellor das nosas árbores froiteiras.

miércoles, mayo 15, 2013

FESTA DAS LETRAS GALEGAS


Celebramos o Día das Letras coa visita de Viky, unha actriz que fai fincapé na importancia de Vidal Bolaño no teatro galego. Falan con ela e lle preguntan como superan os actores e actrices  os nervios e a vergoña.
Os nen@s prepáranse para a representación que van facer utilizando os consellos de Viky:
-Eu non son María, eu son un galo.
E comeza o espectáculo:
 
Os nenos e nenas de Educaión Infantil representan "A ratiña presumida"
Os nenos e nenas de Educaión Primaria representan "O pastor mentireiro"
Como sempre, o mellor foi o proceso no que todos aprendimos un montón sobre colaboración, diálogo, respeto polos compañeiros/as e eso tradúcese no éxito das representacións.
Convidamos aos pais/nais que estaban moi orgullosos e satisfeitos.

martes, mayo 07, 2013

ADAPTACIÓN

Os nenos e nenas de 2º de Primaria teñen un montón de preguntas
sobre o cole de Xeve, onde irán o curso próximo.
Ex alumnos/as que están agora alí viñeron o martes pola tarde a falar con eles.
Ofrecéronlles a súa axuda e apoio  para cando estean alí.
 
 
 
 

 

 
Agradecemos a estes compañeiros/as  o seu tempo.