A Comunidade Educativa da EEI.Verducido deséxalles Boas Festas

O APALPADOR VISITA Á ESCOLA

 Coa colaboración dos pais e nais, merendaron chocolate con churros e deliciosos doces caseiros. Celebramos os aniversarios do 1º trimestre.

 

Como ven sendo habitual nos últimos anos, o Apalpador veunos facer unha visita na Festa de Nadal cargado de sorpresas para os nenos e nenas.

Cantamos os Reis

Pedímoslle o aguinaldo aos veciños da escola

Charlamos sobre educar hoxe

Martes 20 de Outubro, de 17:00 a 18:30 na escola.
Charlamos con José Mª García Janeiro, psicólogo, sobre como educar hoxe.
Os nenos e nenas cuxos pais/nais participen na charla,
poderán estar na Biblioteca do colexio.
Animámosvos a participar seguro que será interesante.

Probamos froita do Areeiro

-O obxectivo desta actividade é darlles a oportunidade de coñecer froitas pouco habituais nun clima festivo para asociar o consumo de froita como algo tan bo como unha lambetada.
-Crear o hábito de probar diferentes alimentos que podemos incorporar á nosa dieta.
-Darlles a coñecer a areeiro como un lugar onde investigan sobre estas froitas e a súa incorporación as nosas plantacións.



https://picasaweb.google.com/109349631551482417828/FroitasAreeiro?authkey=Gv1sRgCNXgjqDGiLaXHQ

Benvidos ao curso 2015-16

   Xa estamos na escola traballando para  que os nenos e nenas podan comezar as aulas o 10 se Setembro ás 9 da mañan.
   Para calquera consulta pasade polo colexio de 13 a 14 horas, senón podedes a esa hora, chamade ao colexio: 986879336 ou poñédevos en contacto no email: eei.verducido@edu.xunta.es
Grazas

APRENDEMOS A CONVIVIR / ASEMBLEA DA ESCOLA

Actividade:  Asemblea xeral da escola.

Plan de Convivencia 

Tódolos Mércores ao acabar o recreo e antes de ir á horta, reunímonos en Asemblea Xeral da Escola.

Nenos e nenas entre 3 e 7 anos. 

Dende o primeiro momento participamos todos/as os alumnos/as e as mestras e todos saben que este é o momento no que podemos expoñer os nosos problemas pero tamén as suxerencias que teñamos  e tamén compartir as boas experiencias. 

- Para tomar a palabra todos sabemos que temos que expoñer os problemas que temos ou o que nos molesta sen dar nomes. ( seguro que o que o fixo xa o sabe e non queremos acusar públicamente senón buscar solucións e reflexión ).

Chama moito a atención como dende o primeiro momento, os pequenos/as de 3 anos sentan  caladiños percibindo que imos facer algo importante. Pero o que de verdade impresiona e ver como cando un pequecho toma a palabra e ainda non ten moito que ver a súa intervención todos o escoitan en silencio, con respeto e tranquilamente pasamos a outra cousa coa axuda das mestras que lle agradecen  a súa intervención.

A seguinte vez, a non moito tardar, estes pequenos empezan a intervir sabendo xa de que tratamos nesta reunión. 

- As mestras intentamos intervir o menos posible, simplemente dando a palabra e conducindo discretamente: - Que vos parece esto?, que deberiamos facer ? actuou ben? que máis podería ter feito?

Falan con gran espontaneidade e a realidade é que sempre resolven os conflitos, que por suposto os hai, pero o ambiente xeral é de respeto e tranquilidade nas relacións.

Eles mesmos cando alguén non cumpre algunha norma das que acordaron na Asemblea, recórdanllo e cos pequenos/as teñen paciencia porque "ainda non saben as normas"

Observamos que cumpren moi ben as normas que eles mesmos poñen:

- Non se poden tirar os xoguetes polo aire.

-Non se pode tirar area aos compañeiros/as.

-Se alguén desfai o traballo dun compañeiro ainda que fora sen querer, ten que axudalo a volver facer......etc. etc. 

Obxectivos:

Funcionamento democrático da escola.

Participar na elaboración das normas de convivencia: no patio, nas clases , na biblioteca.

Expoñer os seus problemas

Expoñer as súas propostas.

Falar do que sinten, o que lles gusta o que non lles gusta. O que lles gustaría.

Saber escoitar.

Ser capaces de acepta-las criticas

Saber facer criticas das situacións que lle molestan ,non das persoas

Ser capaz de expresa-las súas queixas sen agresión.

Ser capaz de propoñer alternativas das situacións que non lle gustan

Ser capaz de emplear un ton de voz axeitado.

Ser capaz de respecta-la quenda de palabra. Falar cando lle toca.

Nas aulas de Infantil dende o comezo do curso, ao mesmo tempo traballamos:

-A cohesión do grupo.Todos somos importantes e imprescindibles no grupo. Sentímonos queridos e aceptados. Sentímonos escoitados. A todos nos importa o que lle pasa a cada un. 

-A identificación e expresión dos seus sentimentos e emocións:

Cada día, ao rematar a xornada, o/a encargado/a, fai unha valoración de como foi o seu día.Aprenden así a expresarse para poder resolver os seus problemas. 

-As palabras máxicas que abren a porta da relación cos demais: por favor, sinto....

-A resolver os problemas eles mesmos falando cos compañeiros/as.

Deste xeito ao pouco de comezar na escola, os nenos e nenas participan activamente nesta asemblea. 

Todo esto contribúe a que o clima xeral é moi relaxado e agradable e vemos como pouco a pouco aprenden a relacionarse de maneira axeitada e a resolver os problemas eles mesmos dialogando.
É moi importante manexar axeitadamente dende o primeiro momento da socialización dos nenos e nenas as habilidades sociais. Iniciámolos o antes posible no manexo destas ferramentas pois deste xeito poderán aprender felices e tranquilos.

Esto refléxase nos seus xogos no patio. Comparten xogos grandes e pequenos. Colaboran e cooperan en proxectos que duran varios días.  

https://picasaweb.google.com/109349631551482417828/Patio?authkey=Gv1sRgCKWLr5TK16LJcA
Coidamos que a axeitada socialización  é un dos máis importantes obxectivos da escola na actualidade.
Asi, co acompañamento  teórico dos nosos referentes: Ainscow, Summerhill, Paulo Freire, Goleman...as mestras investigamos e aprendemos como axudarlles a facelo o mellor posible. 

O Espantallo da Horta

Un grupo de nais e pais preparou o martes 9 pola tarde unha sorpresa: un espantallo para a horta.  

Gracias!!!!!!

Animadevos a facer divertidos espantallos para as vosas hortas e enviade as fotos ao correo do colexio: eei.verducido@edu.xunta.es . Animade tamén aos veciños, familiares, amigos....
Queremos que Verducido teña os espantallos máis divertidos....
En Setembro, ao comezar o curso, faremos unha exposición coas fotos de todos os  espantallos.


https://www.youtube.com/watch?v=8CMHWQwn0AM

FESTA FIN DE CURSO

Todos os anos, a ANPA do colexio, prepara unha estupenda festa fin de curso.
Como sempre, tamén están convidados os nenos e nenas que comezan o próximo curso.

MERENDOLA PARA DESPEDIR A HORTA

Merendola para despedírmonos da horta por este curso. 

Pan con tetilla e tomate e todas as súas variantes, torta de cabaza e ameixas recén collidas da árbore. 

Pan e torta feitos na casa.

Que rico!, que ben sabe!. Auténticos gourmets. 

Aprenden a comer.

Gracias por esta experiencia.

https://www.youtube.com/watch?v=SqBqSYNMqHQ&list=RDSqBqSYNMqHQ#t=0

PARABÉNS

Xa estamos preparando todo para celebrar o venres 19 á mañan, a partires das 11, a Festa dos aniversarios do 3º trimestre

HERBAS DE SAN XOAN

A NOITE DE SAN XOÁN
Esta noite máxica desde os tempos máis remotos, e que coincide coa celebración do solsticio de verán ( a noite máis curta do ano), ten na nosa terra características moi especiais.
É  a noite do lume, das lumeiradas, fogueiras,cachelas ou cacharelas; da auga, reviven as propiedadesdas fontes santas e milagreiras; e tamén do mundo vexetal.
Esta noite as plantas acadan o mellor das súas propiedades curativas e máxicas. Por iso, recóllense para poñelas nun caldeiro con auga ( mellor de 7 fontes). Alí teñen que quedar ao orballo da noite e pola mañan tódolos membros da casa, lávanse con esta auga milagreira.
Algunhas herbas varían segundo a zona, pero estas 7 aparecen en todas elas.

Cualidades básicas que teñen que cumplir:
-Teñen un cheiro especial
-Teñen algunha aplicación como mediciña
-Son as mellores como repudio dos seres maléficos.

Asi pois, imos cumprir coa tradición e facer un bo cacho.

" Dime rapaza bonita
Con que te lavas o pelo?
Cunhas herbas do monte
Qué fío chaman tromentelo"

PREMIO EDUCACIÓN VIAL

NORABOA DESIREE!!!!!!!

Visita ao Circuito de Educación Vial da Policia Local en Mollabao

Hoxe os alumnos/as de  1º e 2º de Primaria e 6º de Infantil, vistaron este circuito . Os primeiros, para practicar o aprendido nas sesións teoricas que tiveron na escola sobre como circular. Para os de Infantil, foi o seu día de integración en Primaria.  Para todos, resultou moi bo.

Sorpresa!!!!

Hoxe a nai de David, trouxo ameixas e pexegos da casa.
Que ben saben!!!!!! decían
_ Colleunos miña nai na casa da avoa.
Xa merendaran pero sentoulles moi ben como sobremesa. Estes chicos e chicas saben apreciar as cousas boas.

Visita ao Parque Arqueolóxico de Campolameiro

https://picasaweb.google.com/109349631551482417828/Campolameiro?authkey=Gv1sRgCK2cn8GvgMfXFw

COMUNIDADE EDUCATIVA

- No mes de Xuño, os Martes entre 4:30 e 7 da tarde no colexio estamos traballando pais/nais e mestras para reparar xogos e mobiliario, catalogación dos libros da biblioteca, adecuación de espazos  e outras labores de mantemento necesarias na escola.
Agradecemos a colaboración de todos os que vos achegades a botar unha man.

- Pero, non todo é traballar... tamén aprendemos xuntos!!!!!
Mañan, Xoves 4 de Xuño imos visitar o Parque Arqueoloxico de Campolameiro para completar o traballo da prehistoria que fixemos. Veñen con nós, un grupo de nais e pais, avós, avoas, que tamén farán unha visita guiada.
Será interesante que despois na casa intercambien opinións do aprendido....

Semana das Letras Galegas

Visitamos o Museo de Pontevedra pola súa vinculación con Filgueira Valverde.
Percorremos as salas de Prehistoria.

Regalo do Día da Nai

A proposta foi que debuxarían un floreiro como este como agasallo do día da nai. Cada un faría, á vista do modelo, o seu propio floreiro. Fixeron cousas íncribles. Que sorte para as nais!!!!

https://picasaweb.google.com/109349631551482417828/RegaloDiaDaNai?authkey=Gv1sRgCOHLutGaueTMXQ

DÍA DO LIBRO

Para celebrar o Día do Libro, os compañeiros/as de Primaria, leron un conto que fixeron eles para a exposición das camelias.

Puxéronse moi contentos porque tiveron como agasallo este día especial, un conto para eles e un libro para papá e outro para mamá.  Ademais dos marcapáxinas feitos por eles. Feliz día do Libro!!!!!

EN ABRIL....CONTOS MIL

" Las primeras experiencias de lectura se viven antes de saber leer y acompañados por un adulto que lee en voz alta, que anima a señalar en las páginas con el dedo, que pregunta, que modula la voz y gesticula... Esta magia provoca lazos afectivos entre quienes miran el mismo libro, y un lazo afectivo hacia el libro." Para axudarnos nesta responsabilidade vos recomendamos este blogue: biblioabrazo.worldpress.com

ROTEIRO POR PONTEVEDRA "Pontevedra é Boa Vila, da de beber a quen pasa"

Obxectivo: A escola de Verducido está no rural de maneira que queremos que vivencien e coñezan a Vila. Queremos que saiban que Verducido pertence ao Concello de Pontevedra e que vexan a diferenza co rural. Acompañadas por algunhas nais facemos un Roteiro por Pontevedra, fundamentalmente polo casco antiguo da cidade. Ruta: -Comezamos na Praza de España onde merendamos "galletas de excursión".

-Visitamos no Concello a exposición de debuxos de ANEDIA na que se expuñan debuxos dalgúns alumnos/as da escola. -Praza da Peregrina, onde recoñecemos a Ravachol.

-Igrexa da Peregrina, alí, no adro os nenos e nenas debuxaron o que máis lles chamou a atención. Gustounos moito a súa concentración no traballo e como tiñan en conta os detalles dos que falamos . Debuxar na rúa resultou unha boa actividade de apropiación do espazo.

https://picasaweb.google.com/109349631551482417828/DebuxosPeregrina?authkey=Gv1sRgCILQoor-0s_Mfg


-Visitamos a Feira do Libro,onde os nenos/as mercaron un libro para cada clase sobre os temas que estamos traballando. -Praza da Estrela,onde descubriron a estrela e buscaron as caras que hai nunha fachada e representan diferentes oficios. -Praza da Leña -Prazas da Verdura -Parque infantil da Praza do peirao e o seu asombro coa historia do Pirata Benito Soto.

ROTEIRO POR PONTEVEDRA " Pontevedra é Boa Vila, da de beber a quen pasa"

“POPVILLE” ANOUK BOISROBERT Y LOUIS REGARD POEMA DE PABLO GUERRERO KÓKINOS LA CIUDAD LA CIUDAD COMIENZA EN SUS PLAZAS, FUENTES Y PALOMAS. SE ACABA EN EL MAR O EN LOS CAMPOS FRÍOS. LA CIUDAD ES ANTIGUA, CON SUS PAREDES DE HIERRO. Y TAMBIÉN DE AHORA, CON SUS RASCACIELOS Y TERRAZAS BLANCAS. PERO SOBRE TODO LA CIUDAD ES LA GENTE QUE LA HABITA. VAN DEPRISA O DESPACIO AL TRABAJO O A PASEAR POR LOS PARQUES SOLEADOS. VIVO EN UNA CIUDAD Y SOY CIUDAD. PORQUE RÍO Y A VECES LLORO COMO TODOS LOS QUE HABITAN EN MI PEQUEÑA CIUDAD. PABLO GUERRERO

Exposición de debuxos no Concello:Anedia

ANEDIA ( Asociación de nenos e nenas con diabete de Galicia) en colaboración co Concello ofreceunos o 11 de Marzo unha charla sobre "Diabete, Deporte e Nutrición".

Somos unha escola inclusiva e por iso consideramos moi importante coñecer as caracteristicas dos nosos posibles compañeiros/as para podelos comprender e evitar prexuizos.

Propuxéronos participar nun concurso de debuxo no que quedou finalista o noso compañeiro
Marcos Goldar Portela de 1º curso de Primaria.
Podemos visitar a exposición de debuxos no vestíbulo  do Concello de Pontevedra na rúa Michelena.
Na exposición hai varios debuxos de alumnos/as da escola.
http://anediagalicia.blogspot.com.es/

CHEGOU A PRIMAVERA

Proposta: debuxar flores simples ou complexas utilizando figuras xeométricas.
Deixaron voar as súas mans guiados pola imaxinación e conseguimos unha fermosa colección de flores.


https://picasaweb.google.com/109349631551482417828/ChegouAPrimavera?authkey=Gv1sRgCKD1qs61zvGzFA