BOS DÍAS!!
Segundo
anunciamos onte, a partires de hoxe comezaremos ca labor cotiá no
que se refire a elaboración de tarefas.
Cada
día irei enviando tarefas diarias concretas, enlaces onde poden
atopar aclaracións así como enlaces de xogos interactivos
educativos que fan da aprendizaxe un elemento lúdico. Tamén porei
suxerencias de tarefas que foron propostas da mestra de Audición e
Linguaxe e algunha tarefa proposta polo mestra de Inglés.
Procurarei
que sexan actividades o máis amenas posible e que non revistan
dificultades: seguimentos de contidos xa vistos na clase , reforzos
ou pequenas ampliacións, e en ningún caso materia nova. Por
suposto , non esqueceremos a lectura diaria, aínda que sexa un
cuarto de hora, pero que sexa unha lectura de calidade e de
comprensión.
Os
traballos realizados e as dúbidas que poidan xurdir na realización
das tarefas, podedes mandarmos ao meu wasap, non ao do grupo, para
resgardar a privacidade de todos.
Sodes os pais e nais os que ides marcar a viabilidade de realizar as
tarefas, e por iso son consciente de que algúns tendes dificultades
horarias que vos permitan estar cos vosos fillos e fillas
axudándolles. Neses casos non pasa nada. Os nenos van facendo o que
poidan sen que para vós represente unha complicación. Se non poden
facer todo o que se indica, tampouco hai problema, xa que é unha
proposta e cada un fai o que lle permitan as súas circunstancias.
Ademais, tamén podedes indicarme sen ningún pudor se as tarefas son
complicadas, longas...calquera aportación vosa axudarame moito en
realizar este traballo con máis eficacia.
É
importante que os nenos e nenas entendan que non estamos nun período
de vacacións, senón que temos que seguir traballando pero desde a
casa, cos inconvenientes de non ver aos compañeir@s pero que como
compensación non temos a obriga de estar cinco horas na escola.
Polo tanto, reitero que é fundamental ter uns horarios sistemáticos
de erguerse, de almorzo, de traballo e de xogo, co fin de que non
perdan a dinámica dunha “vida laboral ordenada” que continuará
cando se restableza esta situación.
Moito ánimo para
tod@s. Estamos en contacto.
Un bico.....
virtual !!
