QUERIDAS FAMILIAS

Queridas familias:
Debido as medidas tomadas para frear o COVID -19, queremos facervos algunhas recomendacións que poidan servir de estímulo aos nenos e nenas para estes días na casa.
- Mantede a tranquilidade para que eles estean tranquilos e contestade as súas preguntas sobre o tema na medida da súa comprensión.
- É convinte facer un horario normal con hora de levantarse e deitarse para que teñan un ritmo.
- Manter unhas rutinas na vida diaria da casa.
- Estaría ben que participen nas tarefas da casa, poñer a mesa, poñer roupa na lavadora, axudar a tender…

• Aproveitade para traballar competencias que requiren un pouco de tempo como aprender a vestirse, espirse, atar os cordóns, ordenar as súas cousas…
  
• Limitade e titorizade o seu uso de Tele e outros dispositivos esctrónicos.
  

- Lerlles moito e que lean os que xa len. Que lean para os adultos, para os irmáns, que lles lean as mascotas...
- Viralles moi ben, facer puzzles, xogos de lóxica, ordenacións de obxectos, emparexar e doblar calcetíns, xogar con plastelina ou amasar fariña, rasgar papel, recortar libremente ou con patróns dados, debuxar e facer as súas creacións, nas que tamén poden pegar cousas, picar,etc
- Escoitar todo tipo de música, cantar, bailar, aprender cancións
- Aprender poesias, adiviñas, contos, ditos.
- Xogar con eles as cartas, parchis, oca, dominó, adaptando os xogos segundo as idades
- Os que teñades a sorte de ter horta ou terraza, podedes plantar cousas, regar, sacar herbas etc. que vos axuden.
- Que xoguen moito, xogade con eles o que poidades pero tamén que xoguen cos irmáns, sós... e para os que non saben xogar sós é unha boa oportunidade de aprender.
- Tomade estes días como unha oprtunidade de interactuar con eles e elas.
- Polo ben de todos-as quedade na casa todos os que poidades e os nenos e nenas que non saían. Os que tedes que saír a traballar extremade as medidas de hixiene ao voltar a casa para evitar os contaxios.

• A partires de mañan, en Primaria a profe irá propoñendo tarefas diarias especificas agás por suposto de ler.
  
• En Infantil tamén a profe proporá ideas que poidades facer con eles para servirlles de estímulo.
  
• Iremos propoñendo ideas para facer na casa para reforzar as aprendizaxes.
  

• Podedes poñervos en contacto a través do whatsapp, teléfono ou correo electrónico.
  
• Estade atentos as novidades e actividades no blog da escola.
  

Saúdos e moito ánimo das mestras!!!!!