domingo, noviembre 20, 2016

OS AMIGOS CONTAN : "O MEU TRABALLO"

Bea, a nai de Alicia, traballa nun almacén de flores.
Despois de Santos, unha das épocas de máis traballo para ela, colle vacacións e reserva un tempo para vir á escola xa que polo seu traballo non pode en outros momentos. Ven contar contos en Infantil ou participa con nós no que fagamos nese tempo.
Este ano, Alicia xa está en Primaria e pensou en explicarnos, a toda a escola en que consiste o seu traballo: de onde veñen as flores, como as transportan , como as tratan cando chegan...para que usamos as flores...Falounos de compañeirismo e de colaboración para poder estar felíz no traballo.







Temos boas noticias: xa temos outra mamá voluntaria para contar como é o seu traballo.
Será en Decembro. Faremos unha presentación ao mes.
Vai ser unha boa maneira de coñecer diferentes traballos e oficios. Temos moitos meses por diante, ide collendo sitio.
Avisamos, engancha!! É moi interesante para os que atendemos á presentación na escola pero ademáis é moi gratificante para o que fai a presentación ante público tan atento e entregado. Supón tamén unha oportunidade de reflexión sobre o propio traballo e un exercicio para contarllo a est@s pequen@s.

viernes, noviembre 11, 2016

XORNADAS MICOLÓXICAS

Un membro da Asociación Micolóxica Brincabois, Amancio Castro, explicoulle ao noso alumnado a importancia dos cogumelos na natureza e respondeu a tódalas preguntas que lle fixeron.
Preparou unha exposición moi completa dos cogumelos máis frecuentes na nosa contorna.
Saimos nos arredores da escola a apañar cogumelos.







A exposición estivo aberta a toda a Comunidade Educativa nos soportais do patio de atrás.







Obxectivos:
Coñecer a importancia dos cogumelos na natureza.
Concienciar aos escolares da importancia da conservación do seu habitat.
Coñecer como se recoñecen e como se reproducen.
Aprender sobre como se collen e recoñecen os cogumelos.
Coñecer que hai especies tóxicas para os humanos.
Aprender como se chaman en galego.


Esta actividade tamén se realizará nos colexios de Lérez, Xeve e Campañó nun proxecto dos ENDL dos nosos centros en colaboración co servizo de Normalización Lingüística do Concello e a asociación Micolóxica Brincabois.



jueves, noviembre 10, 2016

OS AMIGOS CONTAN

Esta actividade consiste en convidar aos pais e nais dos alumnos/as da escola a vir contar ou ler un conto aos nenos e nenas de Educación Infantil.
Bea, a nai de Alicia( que xa está en Primaria) , aproveitando que está de vacacións, veu contar aos nenos/as de Infantil o conto:” Hay una vaca en la nevera”.
Un conto que nos interesa moito pola intervención dos bombeiros.


Obxectivos:
Animar aos nenos e nenas a ler, proporcionándolles modelos de lectura.
Crear na escola oportunidades de participación para os nais e pais que queiran /poidan participar creando así un clima de complicidade entre a escola e a familia que tanto vai favorecer aos nenos e nenas no seu desenvolvemento.




viernes, noviembre 04, 2016

FESTA DO OUTONO

E.E.I.VERDUCIDO                                                FESTA DO OUTONO 2016
VENRES 4 DE NOVEMBRO

Os nenos/as traen
  • As súas cabazas decoradas para a exposición na biblioteca.
  • Unhas poucas castañas para asar co corte feito para que non estoupen.
  • Se queren poden vir disfrazados.
  • Non traen merenda.MERENDAREMOS:
  • TETILLA con doce de marmelo feito na escola coa froita da nosa árbore.
  • CASTAÑAS ASADAS no magosto.
  • HUESOS DE SANTO e BUÑUELOS, doces tradicionais destas datas.







Programa:
Ás 11:30 merenda e castañas asadas.
A partires das 12:30 Cancións de outono, xogos, taller de decoración de castañas e coroas de outono.
Algunhas bruxas nos visitan para anima-la festa.
Visita ás cabazas decoradas da biblioteca.









As nais e pais fan os preparativos e participan na festa de maneira moi activa. Esta colaboración e imprescindible para que esta festa se poida celebrar. Os nenos e nenas vendo os seus pais colaborar aprenden aprenden a importancia que ten, e no futuro serán membros activos dispostos a contribuir á mellora da comunidade.



Obxectivos:

  • Coñece-las festas populares de Galicia, aprender a valoralas e desfrutalas: Samain, Magosto
  • Interesarse polo que acontece en outras culturas: Día de muertos, Halloween...
  • Fomenta-la participación e cohesión da Comunidade Educativa.
Grazas a todos os que, dunha ou outra maneira colaborastes para que fora posible.