escola de verducido

DIA DA PAZ

2012-01-30T20:42:00.000+01:00

Participamos un ano máis no proxecto da ONG Save the Children: “Kilómetros de Solidaridad”.

Participando no circuito os nenos e nenas recaudan, co seu esforzo, cartos para axudar aos nenos e nenas da República Democrática do Congo a poder gozar dalgúns dos Dereitos que tódolos nenos/as do Mundo deberían ter ( casa, comida, escola, roupa, familia....)

Os rapaces teñen que buscar na súa familia patrocinadores para a carreira, teñen que apuntar no seu carnet quen lles vai dar cartos e canto lle van dar por cada “ kilómetro” ( equivale a unha volta do circuito).

Os cartos recaudados ingresarémolos na conta de Save the children. Despois faremos un acto de entrega de diplomas de participación onde constarán os cartos recaudados.

Obxectivos:

Despertar o espíritu crítico e solidario do noso alumnado.
Concienciarse de que sempre podemos facer algo por mellorar as cousas e que o noso esforzo por facelo é importante e paga a pena.
Axudar aos nenos/as máis desfavorecidos e facer que se respecten os seus dereitos.

DIA DA PAZ

2012-01-30T20:35:00.008+01:00

Os alumnos/as de 1º ciclo de Primaria len para os máis pequenos no Kamishibai ( pequeño teatro xaponés) o conto: “ O gato sol”, conto popular procedente do sur de Asia.

Queremos incidir nas palabras do sabio ao xoven Thuc:

-“Ti mesmo decatácheste de que todas as cousas, ata as máis pequenas, son importantes e necesarias.

Non hai nada neste mundo máis forte que nada, nin ninguén máis importante que ninguén”

FESTA DE NADAL

2011-12-21T19:38:00.008+01:00

Recibimos a visita do Apalpador.
Participantes: alumnos/as e mestras coa colaboración das nais que prepararon tortas de aniversario e convenceron ao Apalpador para visitármonos.

Organiza: Biblioteca e ENL.

Obxectivos: - Recuperar a figura deste personaxe que estaba practicamente esquecido e que ten un tronco común con outras tradicións do norte de España

( o tió en Cataluña....) e ben seguro a mesma orixe.

- Aprender a valorar e desfruta-la súa cultura.

Durante o mes de Decembro, a Biblioteca achégalles a figura do Apalpador (personaxe mítico galego que baixa polo Nadal a levarlles os agasallos aos nenos/as . Entra de noite nos seus cuartos cando están durmidos e apálpalles a barriguiña por ver se están mantidos e déixalles, ademais dos xoguetes, unha presa de castañas)

2011-12-19T22:53:00.000+01:00

FACEMOS IOGUR

2011-11-29T18:59:00.000+01:00

"Three Little Pigs"

2011-11-17T19:06:00.005+01:00

Asistimos no Pazo de Cultura a unha representación en inglés do conto dos tres porquiños, conto popular de orixe inglés. Grupo Recursos.

Obxectivos:

Comprender a intencionalidade comunicativa doutras nenas e doutros nenos, asi como das persoas adultas, adoptando unha actitude positiva cara ás linguas.
Iniciarse no uso oral dunha lingua estranxeira para comunicarse en actividades contextualizadas e mostrar interese e gozo ao participar nestes intercambios comunicativos.
Achegarse ao coñecemento de obras artísticas expresadas en distintas linguaxes,comunicándose creativamente a través das diferentes manifestacións e adquirindo sensibilidade estética.

Competencias:

Comunicación lingüística.

Cultural e artística.

FESTA DO OUTONO

2011-11-10T20:50:00.000+01:00

Celebramos na escola a Festa do outono na que unificamos Samain e Magosto ao tempo que lles falamos como en outras culturas como as de fala inglesa tamén celebran algo moi parecido e moi coñecido para eles: Halloween, de maneira que establezan paralelismos entre culturas.

Merendamos queixo con marmelo que fixemos na escola coa froita da nosa árbore. Castañas asadas...e facendo unha excepción chuches que a bruxa que este día habita a Biblioteca lles ofrece aos que queren facer trato.

Obxectivos: Coñece-las festas populares de Galicia.

Aprender a valorar e desfruta-la súa cultura.

Interesarse polo que acontece en outras culturas.

Convivencia e colaboración da Comunidade educativa nunha xornada festiva na escola.

Grazas a todos/as ( familias, veciños....) pola vosa participación e colaboración.

DÍA DA BIBLIOTECA ESCOLAR

2011-10-27T18:05:00.000+02:00

Para celebrar este día temos con nós a Anxo Moure.

Anxo conta contos cheos de amor e compromiso coa natureza e a paz. Contos solidarios que nos ensinan que todos e todas podemos facer algo por un futuro mellor, que nos enchen de esperanza e enerxía.

Anxo conta contos que son alimento da imaxinación, historias de árbores atrapadoras de contos solidarios.

Nós, agasallamos a “Carballo con botas”con landras do noso carballo que él plantará co seu tirabeloteiro plantabosques, nos bosques que hai nada arderon terriblemente.

Carta de agradecemento

2011-10-27T12:28:00.000+02:00

Os nenos e nenas de Primaria escribiron unha carta a Meles Outeda

para agradecerlles a súa amabilidade na nosa visita

FAISE CAMIÑO. O MORRAZO

2011-10-22T18:15:00.000+02:00

Data: Sábado 22 de Outubro de 2011 Participantes: Comunidade Educativa do colexio: familias, alumnos/as, mestres/as.
Actividade: Xornada de convivencia da comunidade educativa visitando a zona do Morrazo.
Programa do Concello de Pontevedra . Visita guiada por “Ventos estudos ambientais ”
Colabora AMPA do colexio e ENL do colexio, programa;”Xuntos”

Obxectivos:
Proporcionar á comunidade educativa a oportunidade dunha xornada de convivencia na que nos coñezamos mellor.

Compartir unha xornada de lecer na que combinamos exercicio co coñecemento e desfrute do noso patrimonio natural e cultural en visita preparada por expertos nestes tema.

Gozar realizando actividades de grupo en contacto coa natureza. Valorar a súa importancia para a saúde e o benestar, apreciar o medio natural como un espazo para a recreación, a aventura e conservación, a realización de actividades ao aire libre e o contacto con elementos da natureza.

PROGRAMA

Visita ao Museo Massó (Bueu).

Roteiro a pé por Cabo Udra. Inclúe visita á Aula de naturaza de Cabo Udra.

Comida e descanso.

Roteiro pola Senda Costeira de Cangas.

CONCERTO DIDÁCTICO

2011-10-14T19:41:00.005+02:00

A Banda de Barro fixo un concerto didáctico para inaugura-lo curso escolar.

Foron presentando os instrumentos que iban tocar cada peza e a que familia de instrumentos pertencen.
Ao final, permitiron ao alumnado tocar os instrumentos.

Participantes: Asistiron a este concerto todo o alumnado do colexio e tamén alguns familiares.

Organiza: Banda de Música de Barro

Obxectivos:

Proporcionarlles a oportunidade de aistir á audición de obras musicais tocadas en directo, neste caso foi música de debuxos animados.
Coñecer os instrumentos e a que familia pertencen.
Probar a toca-los instrumentos.
Potenciar o seu gusto pola musica.

Competencia cultural e artística.

PRIMEIRA SAÍDA

2011-10-13T23:30:00.002+02:00

Este sistema de acompañamento afondará as actitudes de diálogo, respecto, axuda, comprensión, afecto...que percibimos que o feito de facer actividades conxuntas desenvolve.

Pensamos que é un paso máis no noso proxecto educativo: Coñecémonos e entendémonos mellor, todos e todas somos modelos, todos e todas aprendemos e ensinamos, todos e todas somos capaces. Potenciamos e afondamos na identidade global da nosa escola.

PRIMEIRA SAÍDA

2011-10-13T23:08:00.007+02:00

Este curso experimentaremos un sistema de acompañamento nas actividades, de maneira que un maior acompañe a un pequeño. Coidamos que esto pode contribuir:

A) A mellora-la convivencia e o clima escolar

B) Ao desenvolvemento da identidade e a autoestima.

Este curso hai un grupo numeroso de alumnado de 3 anos. Coidamos que esta pode ser unha maneira moi rápida de integralos na dinámica das actividades conxuntas da escola e para os maiores supón unha maneira de sentirse modelos, de maneira que os obligue en certa forma a intentar seguir un comportamento axeitado pois os pequenos están aprendendo deles.

Visitamos a envasadora de mel " Mieles Outeda"

2011-10-13T12:52:00.001+02:00

Obxectivos:

Coñecer de onde proveñen os alimentos.

Coñecer os alimentos de orixe animal: o mel, propiedades e importancia deste alimento na alimentación.

Identificar o mel coma un produto natural producido polas abellas.

Secuenciar ordenadamente o proceso de extracción e envasado do mel

Verificar a interdependencia do ser humano coas abellas

Reflexionar sobre os beneficios do traballo en equipo e a colaboración.

Competencia no coñecemento e a interacción co mundo físico.

PRIMEIRA SAÍDA

2011-10-13T12:23:00.002+02:00

Os máis pequenos síntense seguros indo da man dos seus compañeiros/as maiores.

PRIMEIRA SAÍDA

2011-10-13T10:29:00.000+02:00

Os maiores son modelos de comportamento para os seus compañeiros /as máis pequenos/as. Isto é toda unha responsabilidade.

COMEZAMOS O CURSO 2011-2012

2011-10-11T19:37:00.000+02:00

Un mes despois de comeza-las clases, seguimos sen mestre/a de Inglés nin Relixión.
Hoxe ás 9 da mañan, os pais e nais do noso alumnado concentráronse diante do colexio para manifestar a súa indignación por tal situación.
Nesta escola, toda a Comunidade Educativa traballamos por un ensino público de calidade.

VISITA DOS MAIORES DA RESIDENCIA DE CAMPOLONGO

2011-06-13T19:50:00.001+02:00

Actividade: Visita dos maiores da residencia de Campolongo.

Estas persoas maiores vanlles contar contos aos meniños/as.

Organiza: ENL, de forma conxunta cos ENL dos colexios de Campañó, Lérez e Xeve.

Obxectivos: - Relacionarse coas demais persoas, de forma cada vez mais equilibrada e satisfactoria, interiorizando progresivamente as pautas de comportamento social e axustando a súa conduta a ellas.

- Coñecer distintos grupos sociais próximos a súa experiencia, algunhas das súas caracteristicas, producións culturais, valores e formas de vida.

´ - Establecer relacións de confianza, afecto, colaboración, comprensión e pertenza baseados no respecto ás persoas, ás normas e valores da sociedade á que pertencen.
- Utilizar e valorar progresivamente a lingua oral para evocar e relatar feitos; para adquirir coñecementos; para expresar e comunicar ideas, sentimentos e emocións; para facer peticións e como mecanismo para regular a propia conduta e das demais persoas.

INTERCAMBIO CO CEI. DE CAMPELO

2011-06-09T19:44:00.000+02:00

Grazas a tódalas nais que coa vosa axuda facedes posible que os vosos/as fillos/as poidan participar neste tipo de experiencias.

INTERCAMBIO CO CEI DE CAMPELO

2011-06-09T19:40:00.005+02:00

OBXECTIVOS:

-Xa que a eei.verducido é unha pequena escola, trátase con esta actividade de proporcionarlle aos nenos/as experiencias ricas e axeitadas de interacción social cos seus iguais e con adultos fora do seu círculo habitual, poñendo as bases dunha socialización enriquecedora.

- Nesta ocasión, serán anfitrións, teñen que agradar aos seus convidados.

-Proporcionarlle experiencias que os estimulen e prendan a súa curiosidade, que lles proporcionen vivencias que enriquezan a súa expresión global, tales como saídas escolares, correspondencia escolar, achegamento a linguaxe audiovisual, intercambios...

-Facilita-la relación e a convivencia das comunidades escolares de distintos contornos, rural de interior e mariñeiro .

-Aprender a actuar e desenvolverse con autonomía; recoñecendo posibilidades e limitacións, desenvolvendo un axeitado nivel de autoconfianza e autoestima.

-Fomentar unhas relacións baseadas no respecto, tolerancia e colaboración.

-Propicia-la colaboración e participación de toda a comunidade educativa nas actividades da escola.

-Valoración e respecto do seu contorno e patrimonio cultural.

COMPETENCIAS: Competencia social e cidadá.

Autonomía e iniciativa persoal.

INTERCAMBIO CO CEI DE CAMPELO

2011-06-09T19:38:00.020+02:00

Veñen a Verducido os nosos amigos/as.

Actividade: Paseo arredor do encoro. Escoitamos as ras e os paxariños, os regatos...Vimos piragüistas adestrando, vacas e terneritos, escalamos, merendamos e xogamos no parque...

Comida no parque do encoro.

E moi importante inculcar nos nosos alumn@ o hábito de facer exercicio, o hábito do tempo de lecer compartido cos amig@s facendo exercicio ao ar libre en contacto coa natureza, respectandoa e disfrutando dela....

Repoñemos forzas. Comeron como campeóns.

Descubriron novas posiblidades.

Compartiron xogos.

ROTEIRO DOS BOLECHAS POR PONTEVEDRA

2011-06-03T18:48:00.017+02:00

Obxectivo:

Coñecer a súa cidade: “Pontevedra é boa vila, da de beber a quen pasa....”

Coñecer as diferentes prazas da cidade.

Praza da Peregrina; A Ferrería; Praza da estrela; Praza da leña; Praza da verdura;Fonte dos tornos.....

Praza da Pedreira. Onde rematamos a visita e os agasallan cun libro

“ Excursión pola zona vella de Pontevedra” dos Bolechas.

Merendamos, xogamos un pouco e despois imos ao Centro de Interpretación das Torres Arzobispais onde nos trasladamos a Pontevedra na Idade Media a través dunha magnifica película en 3D.

Actividade previa do Roteiro dos Bolechas.Na Biblioteca:

- Escollen que personaxe dos Bolechas vai ser cada un.

E moi doado pois os coñecen moi ben e lles encantan os seus libros sinxelos onde teñen aventuras cotiás de calquera neno/a da súa idade.

-Pintan e recortan a súa carauta e escriben o nome no seu distintivo.

PRESENTACIÓN DA REVISTA "FIZ"

2011-05-26T18:14:00.000+02:00

Dentro das actividades programadas para celebrar o Día das Letras Galegas na escola,

hoxe Kiko DaSilva, presentou na escola a revista "Fiz". Fiz e o neno máis porcalleiro onde os haxa. Parece que a partir de agora cada dous meses vai a ser a revista máis agardada na Biblioteca da escola.

HOXE TRABALLAMOS NO PARQUE DE BOMBEIROS

2011-05-24T19:51:00.003+02:00

A escola, é un lugar máis onde aprender. Se queremos e preparamos os nosos sentidos, aprendemos en tódolos sitios e a tódalas horas.
Hoxe aprendemos no Parque dos Bombeiros de Pontevedra.

Dentro do noso Proxecto de traballar os Oficios das nais e pais do colexio, visitamos o Parque porque un pai traballa eiqui.

LAND ART NA XUNQUEIRA DO ALBA

2011-05-24T19:29:00.009+02:00

Os pequen@s artistas da escola de Verducido, visitan a Xunqueira do Alba, exploran a natureza e deixan a súa pegada artística utilizando os materias que alí atopan. Ao marcharen de alí a natureza e os visitantes da Xunqueira intervirán na súa obra, pero sempre teremos a foto da súa obra orixinal.
Estes pequen@s artistas respectan a natureza e utilizan so o que atopan polo chan.Tamén o sol, a sombra...

Preparados coa súa guía para inir o percorrido.

DIA DAS LETRAS GALEGAS

2011-05-18T19:32:00.009+02:00

Actividade: -Os alumnos/as de E.P. Contanlle aos seus compañeiros/as de Educación Infantil que era o poeta Lois Pereiro axudados polos carteis.

-Actividades na pizarra dixital sobre o Día das Letras e o autor homenaxeado este ano.

-Simbolizando as Letras Galegas e o coidado que cada un lle ten que dar, levan para casa unha planta ornamental das que sementamos facendo un semilleiro.

PREMIO AO COLEXIO DE VERDUCIDO

2011-05-04T21:19:00.006+02:00

Entrega de premios as memorias do traballo de educación para o consumo na escola.

O noso proxecto: "Xogos e xoguetes,tempo de lecer"acadou un premio.

Noraboa a tod@s os que fixestes posible este traballo.!!!!

VISITA DOS NOSOS SOCIOS COMENIUS

2011-05-03T22:42:00.000+02:00

Agardamos impacientes a chegada a Verducido dos nosos socios Comenius. Mestr@s de Eslovenia, Finlandia, Italia e Turquía.

Visitaron as aulas, a biblioteca, o patio de recreo,
compartiron con nos a merenda e por suposto, a
horta ecolóxica cuxo proxecto compartimos durante
estes dous últimos cursos.

AXENDA DA REUNIÓN COMENIUS EN VERDUCIDO

2011-05-02T22:56:00.001+02:00

( Maio 3, 4, 5, 2011)

EEI.VERDUCIDO

AXENDA

( 20 profesores procedentes de finlandia, italia, eslovenia e turquía)

LUNS 2 DE MAIO

Recollémolos na estación de tren ou bus cando cheguen e os levamos ao seu aloxamento no Hotel Ruas. Cea no hotel ou nalgún dos múltiples bares e restaurantes cercanos.

MARTES 3 DE MAIO

8:45 Reunímonos no hall do hotel
9:00 visita ao Mercado Municipal
9:30 un microbús os recollerá na parada do mercado para ir a Verducido.
10:00 Presentación das mestras da escola, dos nosos convidados e dos alumnos/as. Visitamos as instalacións da escola e a horta.
11:30 Café na escola cos alumnos/as e mestras.
12.30 Visita á escola de hostelería “ IES Carlos Oroza”
14:00 Comemos na escola de hostelería.
16:30 Reunión no Pazo de Cultura , Seminario nº3 . Meeting final: exposición de ppt´s cos traballos do proxecto deste curso.. Falaremos tamén dos nosos sistemas educativos, non moi formal, as nosas dudas e curiosidades sobre a organización e funcionamento dos sistemas educativos nos diferentes países socios..
19:00 Tempo libre para visitar a cidade, facer compras....e despois cear “tapas”

MÉRCORES 4 DE MAIO

09:00 Recollémolos no hotel, imos paseando polo casco vello da cidade

10:00 Visitamos o CEIP. “ Froebel “

11:00 Café.
12:00 12:45 Visita ao Centro de Interpretación das Torres Arzobispais.
13:00 Recibimento polo alcalde no Concello.
14:30 Comida no comedor da Facultade de Ciencias Sociais.
16:00 a 20:00 Visita ao Museo da salga e a pesca no Grove. Paseo polo Grove e visita a Combarro.
A esta hora os coordinadores do proxecto reúnense para redactar a memoria final. Ao remataren encontaránse co grupo en Combarro.

XOVES 5 DE MAIO

9:30 O autobus que virá de Verducido, os recollerá na parada do Mercado.
10:00 Visita á Misión Bióloxica de Galicia, pertence ao CSIC ( Consello Superior de Investigacións Científicas – Galicia) Os profes Comenius terán unha visita guiada ao centro e os nenos/as da escola, participarán en Talleres preparados para eles polos cientificos do centro.
11:30 Café na Misión
14:00 Comida no comedor da Facultade de Ciencias Sociais.
16:00 to 18:00 Tempo Libre
18:30 Visita ao Conservatorio Profesional de Música Manuel “Quiroga” onde asistiremos a unhas audicións.
20:30 Despedida cunha merenda na cafetería do Conservatorio.
Remataremos sobre as 11:00.

VENRES 6 DE MAIO

Á hora que o precisen levarémolos ao tren ou bus.

PLAN DE TRABAJO COMENIUS

2011-05-01T22:42:00.002+02:00

PLAN DE TRABAJO COMENIUS

PRIMER CURSO ESCOLAR: 2009/2010

HORTA ESCOLAR ECOLÓXICA

Estudio da agricultura da zona.
Produtos do outono. Exposición de produtos propios da zona.
Intercambio cos nosos socios de diversas sementes ou plantas.
Toma de decisións acerca de que produtos podemos cultivar nos.
Calendario de plantacións ( Cada país ten que facer o seu)
Compost: iniciación da fabricación de compost que continuará ao longo do proxecto.
Exposición teórica: charlas a alumnos e pais/nais sobre o compost.
Preparación dos lugares nos que imos facer os nosos cultivos: xardíns , macetas
Iniciación do diario da horta que vai seguir ao longo de todo o proxecto
Creación do Consello da Horta: formado por persoas da comunidade escolar que poidan aportar coñecemento e experiencias ao noso traballo. Este consello continuará ao longo do proxecto.
Cultivo de productos da zona
Cultivo de plantas procedentes dos países socios
Coidado das plantas cultivadas.

Alimentación saudable

A pirámide dos alimentos
Enquisa sobre hábitos de alimentación.
O almorzo, almorzo saudable ( froitos secos,mel, iogur feito na escola)
O almorzo nos distintos países socios.
Alimentación saudable: a merenda na escola.
A merenda nos países socios.
Merendas na escola: outono: froitos secos,mel, iogur feito na escola)

inverno: degustación de froitos de inverno:cítricos.

O xantar: O xantar nos distintos países.

SEGUNDO CURSO ESCOLAR: 2010/2011

HORTA ECOLÓXICA

Recolleita dos productos cultivados.
Estudio das causas que influíron nos resultados máis ou menos satisfactorios do noso traballo ( o clima, coidados prestados)
Estuio comparativo do desenrolo dos productos da nosa zona e dos productos procedentes dos países socios.
Estudio comparativo dos productos cultivados en cada país mediante presentacións en power point, vídeos...
Exposición dos productos cultivados.
Elaboración dunha ficha das plantas da zona: nome popular en idioma propio e idioma da asociación.nome ciéntifico, época para plantar e recollar, coidados que precisa, pragas ou enfermidades...
Elaboración ficha de traballo para os alumnos/as na que se resuma o traballo realizado
Cultivo da horta procurando non cometer os erros que se poideran cometer o ano anterior e que constarán no diario da horta.
Intercambio entre as escolas das fichas realizadas das plantas.
Exposición das diferentes fichas recibidas dos países socios.
Elaboración dunha unidade didáctica para aplicar en tódalas áreas.

ALIMENTACIÓN SAUDABLE

Degustación dos productos da nosa horta.
Estudio comparativo dos hábitos alimenticios dos países socios.
Recopilación de receitas de cociña.
Intercambio de receitas de cociña entre os alumnos/as das escolas asociadas

COLECCIÓN DE ESPANTALLOS

2011-04-29T20:57:00.000+02:00

COLECCIONAMOS ESPANTALLOS

FAISE CAMIÑO. "A Guarda"

2011-04-16T12:55:00.002+02:00

DÁLLE Á LINGUA

2011-03-29T20:07:00.000+02:00

“Dálle á lingua”, programa de Onda Cero en colaboración coa Concellería de Normalización Lingüística de Pontevedra.

O programa “Dálle á lingua” de Onda Cero veu hoxe a gravar á escola.

Os nenos/as tiñan preparadas adiviñas, sortes, poesías e cancións.

O programa emítese de luns a venres ás 11:55 na frecuencia 95´3 FM

O programa do noso colexio sairá para o mes de Xuño, xa nos avisarán a data exacta.

Obxectivos:

Ver como gravan para un programa de radio.

Ser capaces de aprender de memoria unha pequena aportación para o programa e superar os nervios de decilo diante do micrófono.

CONTAESCOLAS

2011-03-17T10:30:00.021+01:00

1ª Sesión do programa Contaescolas na Bibloteca do colexio.
Programa de Animación á Lectura do Concello de Pontevedra a cargo de Migallas Teatro. OBXECTIVOS:
-Proporcionarlles experiencias que os estimulen e prendan a súa curiosidade, que lles proporcionen vivencias que enriquezan a súa expresión global, tales como saídas escolares, correspondencia escolar, achegamento a linguaxe audiovisual, intercambios ... e LIBROS, MOITOS LIBROS DE CALIDADE e experiencias de calidade cos libros como centro de interese.

-Proporcionarlles experiencias que os animen a ler, poñendo ao seu alcance os libros que escoitaron durante a sesión para despois leva-los a casa.

Hay que ter en conta que a estas idades gustan e de feito precisan da repetición, para aprender.

-Proporcionarlles experiencias que estimulen e enriquezcan a súa expresión oral, que é en definitiva o elemento integrador de tódalas súas vivencias e experiencias e que vai favorecer enormemente a aproximación á linguaxe escrita.

-Proporcionar aos nenos/as experiencias de calidade arredor do libro e a lectura.

Tamara Campos, achegounos ás seguintes lecturas:

“Xaime e as landras”

“Confundindo historias”

“ O oso fabuloso”

“A casa da mosca chosca”

OS AMIGOS CONTAN

2011-02-18T16:57:00.014+01:00

Oficio: Artistas

Knud Plambeck, escultor e Alexa Grande, pintoranos visitan na escola para falármonos do seu oficio.

-Nos tamén somos artistas dixeron a coro os nenos e nenas cando lles anunciamos a visita.

-Si, pero eles son profesionais, é o seu oficio......dixo unha nena.

DIA DA PAZ

2011-01-30T22:38:00.001+01:00

Celebramos o Día da Paz na Ferrería con tódolos colexios de Pontevedra.

"Entre todos construímos a Paz"

TALLER DE XOGUETES

2010-12-21T22:48:00.000+01:00

Adultos e nenos/as compartindo tempo de lecer na confección de xoguetes.

BO NADAL

2010-12-18T22:03:00.000+01:00

OS AMIGOS CONTAN

2010-12-09T11:47:00.001+01:00

A nai de Alba, que é hixienista dental, veu á escola a contarlles que fai no seu traballo. Escoitaron con moita atención e fixeron un montón de preguntas interesantes. Foi seguro unha experiencia moi enriquecedora para todos.
Gracias pola vosa colaboración!!!

DÍA DOS DEREITOS DOS NENOS/AS

2010-11-18T11:26:00.001+01:00

Unha carreira na que este ano, gañan os nenos e nenas de Haití.

Co seu esforzo colaboran para poder enviar unha axuda aos nenos e nenas de Haití que están en tan mala situción despois do terremoto. Corren por eles e buscan patrocinadores entre os seus familiares para os seus kilómetros de solidaridade.

FESTA DO OUTONO

2010-11-15T21:01:00.017+01:00

Merendamos queixo con marmelo que fixemos na escola cos marmelos da nosa árbore. Unhas nais asaron castañas para a festa.

Exposición de calacús decorados e de diferentes tipos de cabazas.

CAMIÑO PORTUGUÉS. PONTEVEDRA

2010-11-03T20:17:00.000+01:00

Os pequenos pelegrins seguiron as frechas amarelas
e buscaron as cunchas.
Seguindo a tradición do Camiño fixeron amizade
con outros camiñantes, rapaces e rapazas dos colexios
de Xeve e Campañó.

FAISE CAMIÑO. PN. O XURÉS

2010-10-16T22:52:00.007+02:00

BENVIDOS AO CURSO 2010-11

FAISE CAMIÑO. Sendeiro Natural Fervenza do Toxa. Carboeiro

2010-06-05T16:39:00.001+02:00

Xornada da convivencia da Comunidade educativa.

Visitamos Castrolandín en Cuntis.

Percorrimos e observamos a natureza do sendeiro natural dende o Mosteiro de Carboeiro ata a fervenza do Toxa.

DIA MUNDIAL DO ,MEDIO AMBIENTE

2010-06-04T21:36:00.004+02:00

Mañan, é o Día Mundial do Medio Ambiente.

Celebrámolo levando a casa para coidar dela,
unha planta de "caravel chinés"
do semilleiro que fixemos na escola.

PIRÁMIDE DOS ALIMENTOS

2010-06-04T21:27:00.006+02:00

Estamos preparando a pirámide dos alimentos.

VISITAMOS A MISIÓN BIOLÓXICA DE GALICIA

2010-06-03T10:00:00.009+02:00

Visitamos a Misión Biolóxica de Galicia que é o centro máis antigo do CSIC ( Consello Superior de Investigacións Científicas) en Galicia.

Realizan investigacións e traballos científicos relacionados cos problemas da agricultura galega.

OS AMIGOS CONTAN

2010-05-28T11:09:00.005+02:00

Os amigos e amigas de 6º de Primaria do colexio Xunqueira 2, viñeron contar con teatro de monicreques feitos por eles o conto " Os tres desexos"

PLANTAMOS A MOREIRA

2010-05-27T17:44:00.002+02:00

Para o ano teremos comida para os vermes de seda!!!!!!!

HORTA ECOLÓXICA

2010-05-24T20:44:00.011+02:00

Sachamos as patacas e descubrimos que xa imos poder recollelas de aqui a pouco.

OS AMIGOS CONTAN

2010-05-24T17:54:00.001+02:00

Os amigos e amigas de Finlandia enviaron a Santa Claus e a señora Santa a saudar aos nenos e nenas de Verducido para contarlle cousas da viaxe das súas mestras a Suonenjoki.

COMENIUS REUNIÓN EN FINLANDIA

2010-05-24T11:19:00.007+02:00

Os nenos e nenas coñecen a MUUMIN o personaxe favorito da literatura infantil en Finlandia.

REUNIÓN COMENIUS EN FINLANDIA

2010-05-17T10:19:00.006+02:00

As profes marchan a Finlandia para falar da nosa horta.

HORTA ECOLÓXICA.PLANTAMOS

2010-05-13T17:35:00.001+02:00

- Sementamo-lo millo, as cabazas e as xudías ollo de pita que nos deran da Misión Biolóxica.
- Coidamos a horta.

OS AMIGOS CONTAN

2010-05-12T17:08:00.011+02:00

Amigas e amigos de 5º de Primaria do colexio de Xeve,

viñeron contar a historia da nosa querida amiga a cebra Camila co teatro de monicreques .

IMOS AO TEATRO

2010-05-12T10:23:00.004+02:00

Asistimos no auditorio de Caixanova a obra de teatro:"El gusanito que quería volar"

DÍA DO LIBRO

2010-04-23T21:10:00.003+02:00

Para celebrar o día do Libro, editamos na escola o " Libro das sortes".

As sortes foron recollidaspolos nenos e nenas entre as familias e amigos.

Descubriron os nenos e nenas que as sortes son unha maneira moi boa de evitar discusións entre eles.

OS AMIGOS CONTAN

2010-04-16T20:56:00.001+02:00

"EN ABRIL....CONTOS MIL......."
Os alumnos/as de 5 anos, contáronlle a Carapuchiña Vermella aos seus compañeiros/as de infantil.

INTERCAMBIO CO CEIP. FROEBEL

2010-04-11T18:03:00.000+02:00

Visitamos a cidade cos compañeiros/as de 2º curso de primaria do colexio froebel.
Obxectivos:
- Coñecemos a cidade: Biblioteca, Concello, Deputación, Audiencia, Correos,Praza de Barcelos, Mercado.
- Convivencia cos compañeiros do colexio froebel.
- educación vial.

Coñecemos a cidade

2010-04-11T17:17:00.000+02:00

HORTA ECOLÓXICA.PLANTAMOS

2010-04-09T23:43:00.009+02:00

Plantamos cebolas, allos, espinafre e leituga.

XOGOS NA ESCOLA

2010-03-26T20:55:00.002+01:00

Para a festa dos aniversarios do 2º trimestre, invitamos as familias e amigos a vir xogar á escola con nós. Así, Basia que é de Polonia, ensinounos a bota-las sortes en polaco e a xogar a un xogo de ratos que escapan dun gato e a versión polaca do xogo: "abuelita, abuelita"

Viñeron tamén nais e avoas a aprendernos os xogos da súa infancia.

ANIVERSARIOS

2010-03-26T20:45:00.009+01:00

Con deliciosas tortas caseiras, celebramos os aniversarios dos nenos e nenas que estiveron de aniversario este trimestre.

HORTA ECOLÓXICA. FACEMOS COLONIA DE LAVANDA

2010-03-24T21:40:00.007+01:00

Filtramos e envasamos a colonia.

Un perfecto agasallo para os nenos e nenas que fixeron anos neste trimestre.

CONTAESCOLAS

2010-03-22T20:24:00.000+01:00

Hoxe aprendemos un xogo novo:
Vaise pasando polos botóns decindo:
FILLO DO REI
BO MOZO
XOROBADO
TIÑOSO.....
E vólvese repetir ata rematar cos botóns....
FILLO DO REI

A ESCOLA ESTÁ CAMBIANDO

2010-03-22T11:14:00.000+01:00

A biblioteca, as clases, por dentro , por fóra....

A escola está cambiando, está alegre.

A ANPA está pintando á escola con bonitos debuxos.

Cada día, os nenos e nenas chegan á escola buscando as novidades.

Están contentos.

O PATIO

2010-03-22T11:04:00.000+01:00

"Un gran espacio vacío provoca comportamientos de agitación.repetitivos,cansados.
En cambio, un espacio articulado y variado invita a comportamientos inteligentes: exploraciones, descubrimientos, intenciones, encuentros, colaboraciones, iniciativas, proyectos, construcciones..."
Penny Ritscher. Por Carme Cols en in-fan-cia nº 120

HORTA ECOLÓXICA. FACEMOS COLONIA DE LAVANDA

2010-03-15T21:20:00.029+01:00

Cando comezamos as clases en setembro, recollemos as flores de lavanda.
Deixámolas secar e agora con elas imos facer colonia
Queremos facer a colonia como agasallo para os nenos e nenas que estiveron de aniversario neste trimestre.
Ímola facer todos, eles non saben que vai se-lo agasallo.

Ingredientes:

1 cunca de flores secas de lavanda.

4 culleradas de canela en po.

8 dl.de alcohol de 96º

2 dl.de auga.

Preparación:

Facer unha infusión coas flores de lavanda.

Filtra-la e poñe-la nun tarro xunto coa canela e o alcohol.

Gardámola 15 días nun lugar escuro.

PRESENTACIÓN DA HORTA ECOLÓXICA

2010-03-14T13:02:00.000+01:00

Na escola de Verducido contamos dende hai anos cunha ferramenta didáctica de primeira magnitude, cultivamos unha horta ecolóxica.

Hai tres anos que o noso proxecto está na rede Voz Natura e neste curso estamos nun proxecto Comenius: “Horta ecolóxica e alimentación” no que compartimos as nosas experiencias con escolas de Eslovenia, Finlandia, Italia e Turquía.

Pretendemos que o noso proxecto contribúa a que toda a Comunidade Educativa aprenda e ensine.

Contamos cun Consello da Horta constituído a principios de curso e do que forman parte as mestras da escola, a nai dunha alumna e o pai duns ex alumnos do cole.

No Consello, tomamos as decisións de que e cando plantar e como recoller a información de como se cultiva a horta no noso contorno.

Comezamos no mes de Decembro plantando chícharos e grelos, en Febreiro patacas e verzas e agora no mes de Marzo vímos de plantar amorodos.Coidamos dela e observamos os cambios e evolución. Observamos os bichiños que hai na nosa horta e aprendemos cales son beneficiosos e cales non. Aprendemos a respecta-los que son beneficiosos e poñemos trampas para os que son perxudiciais e controlalos de maneira que non dane os nosos cultivos.

Os mestres da escola formamos un grupo de traballo: "O traballo da horta ecolóxica como recurso didáctico" A pizarra dixital”.

Para presenta-la nosa horta á comunidade educativa en xeral, temos programadas para o Martes 16 de Marzo ,unhas charlas con practica na horta.

Pola mañan,ás 12:30 para os alumnos/as e profesores/as.

Pola tarde, ás 4:30 para adultos interesados en coñecer a horta ecolóxica e as mellores prácticas para levala adiante.

As charlas serán impartidas por monitores de “Ventos, estudios ambientais” con quenes levamos tempo traballando nas saídas de “ Faise Camiño”.Invitamos a tódolos interesados a asistir a esta charla.
Mentres os adultos asisten á charla, os nenos/as poden estar na biblioteca do colexio.

MATRÍCULA

2010-03-01T12:43:00.002+01:00

E.E.I. VERDUCIDO

PARA TER SEMPRE CERCA AOS TEUS FILLOS E FILLAS

PARA PARTICIPAR NA SÚA EDUCACIÓN

SOLICITUDE DE ADMISIÓN

CURSO 2010-2011

DO 1 de Marzo ao 6 de Abril

INGLÉS A PARTIRES DOS 3 ANOS.

BIBLIOTECA CON INTERNET E PRÉSTAMO DENDE OS 3 ANOS.AULA DE INFORMÁTICA.

CONEXIÓN A INTERNET NAS AULAS

ACTIVIDADES EXTRA ESCOLARES

ASOCIACIÓN DE NAIS E PAIS.

ESCOLA DE NAIS E PAIS.

Tfno.: 986879336

e mail: eei.verducido@edu.xunta.es

e mail anpa: anpa.verducido@nontedurmas.org

ENTROIDO 2010. HORTA ECOLÓXICA

2010-02-12T21:31:00.010+01:00

Disfrazámonos de espantallos.

Para repoñer forzas, merendamos riquisimos doces de entroido que fixeron nas casas.

ENTROIDO 2010. HORTA ECOLÓXICA

2010-02-12T21:18:00.007+01:00

Disfrazámonos de espantallos.

DIA DA PAZ. ÁRBORE DA PAZ

2010-02-11T20:20:00.016+01:00

Árbore da paz.

Cada neno/a recortou a súa pomba da paz.

Reflexionamos sobre as condicións necesarias para a paz.

Cada un escribiu na súa pomba algo que lle parecía importante para que haxa paz: alimentos, familia.

Poñemos as pombas na arbore da Paz, na biblioteca.

HORTA ECOLÓXICA.GRUPO DE TRABALLO

2010-02-10T19:54:00.028+01:00

As mestras e mestre da escola estamos traballando
nun grupo de traballo:
"O traballo da horta ecolóxica como recurso didáctico.
A pizarra dixital."

Hoxe dentro deste programa de formación
visitounos Eliseo Castro, profe do centro de
actividades agrarias " A granxa" en Ponteareas.
Resolveunos algúns problemas, deunos ideas e
despexamos dúbidas.

Xa aplicamos varios consellos:
Entitorado dos chícaros con ponlas no lugar de malla de plástico.

Trampa para recoller caracois que se agochen debaixo da tella.
Trampa para caracois que veñan beber cervexa.
Despois podemos darllos as galiñas.

HORTA ECOLÓXICA. QUEN COME OS CHÍCHAROS

2010-02-09T00:53:00.001+01:00

Quen come as follas dos chícharos?
Os nenos/as suxiren que pode ser :
un caracol, paxaros...
Ten que ser un animal vexetariano...
Botámoslles veneno?
A nosa horta é ecolóxica!!!
Propoñen poñer trampas para
topar ao culpabel.
Por que comen so as da parte
menos soleada...?
Por que non comen
os grelos?

HORTA ECOLÓXICA

2010-02-09T00:46:00.000+01:00

DIA DA PAZ.WANGARI MATHAI

2010-02-08T00:14:00.005+01:00

Da man dunha nai,dentro do noso programa da biblioteca "Os amigos contan", achegámonos a figura de Wangari Mathai

Premio Nobel da Paz.

Muller que planta arbores da Paz en Kenia.

HORTA ECOLÓXICA. BICHOS NA HORTA

2010-02-03T00:32:00.013+01:00

Cando levamos ao composteiro as mondas e restos da merenda, topamos estes bichos na horta.

Sabes que son, ´como se chaman?

HORTA ECOLÓXICA

2010-02-01T10:46:00.007+01:00

SALÓN DO LIBRO

2010-01-29T17:09:00.000+01:00

Queremos agradecer a Paula
nai de alumnos do colexio,
a súa colaboración na confección
da portada e encuadernación desta

bonita historia.

Os nenos/as, despois de moito documentarse
sobre as cidades e sobre as cidades na literatura,
reunidos en asemblea, inventaron está historia que
despois foron ilustrando páxina a páxina coa
colaboración de todos.

SALÓN DO LIBRO

2010-01-29T16:59:00.000+01:00

Hoxe presentamos na biblioteca do colexio
o libro elaborado para o Salón do Libro antes
de levarllo a Orbil.

Visitaremos o Salón o 18 de Febreiro.

PREMIO AO COLEXIO DE VERDUCIDO

2010-01-29T00:10:00.000+01:00

A Comunidade Educativa do noso colexio acadou un premio polo traballo de educación para o consumo.
NORABÓA A TODOS/AS!!!!!

Publicada no DOG do 27 de Xaneiro de 2010 a concesión dun premio á memoria do proxecto de educación para o consumo na escola que fixemos o curso pasado.

CIENCIA DIVERTIDA

2010-01-26T00:56:00.004+01:00

Temos a receta para facer pasta

para limpa-los dentes!!!!

CIENCIA DIVERTIDA

2010-01-26T00:11:00.001+01:00

HORTA ECOLÓXICA

2010-01-25T00:51:00.001+01:00

HORTA ECOLÓXICA

2010-01-18T00:17:00.002+01:00

HORTA ECOLÓXICA

2010-01-11T19:11:00.001+01:00

A plantación de chícharos e grelos un mes despois.

FESTA DE NADAL

2009-12-22T19:27:00.001+01:00

Recibimos moi agarimosamente a visita de Papa Nöel

FESTA DE NADAL

2009-12-22T19:22:00.002+01:00

Celebramos os aniversarios do trimestre.

INTERCULTURALIDADE

2009-12-17T20:21:00.002+01:00

Raquel Castro Sarmiento,

alumna de Educación Infantil, 5 anos

acadou o terceiro premio de debuxo.

TALLER DE XOGUETES

2009-12-15T19:57:00.003+01:00

So hai que deixar voar a imaxinación,

traballar en cooperación nenos e grandes.

Conseguimos o mellor agasallo do mundo.

TALLER DE XOGUETES

2009-12-15T19:41:00.002+01:00

Qué se pode facer cun cartón, cunchas, cascas de noces.....?

Adultos, alumnos e ex alumnos mans a obra.

TALLER DE XOGUETES

2009-12-15T19:33:00.003+01:00

Taller de xoguetes para pais/nais e nenos/as.

Comezamos coa lectura do libro:

"O calcetín amarelo"

BO NADAL

2009-12-13T13:50:00.000+01:00

HORTA ECOLÓXICA

2009-12-11T20:32:00.002+01:00

Sementamos:

Chícharos, para pienso que nos trouxera Antonio de Ron, na semana da ciencia.

Grelos de Santiago.

HORTA ECOLÓXICA

2009-12-07T20:46:00.002+01:00

O Consello da horta está formado por:

-a nai dunha alumna

-o pai dun ex alumno

-tódolas mestras e o mestre da escola.

Funcións:

-decidir que se pode sementar

-decidir o mellor momento para sementar

-facilitar os traballos previos para que

os nenos e as nenas poidan sementar e

coidar da horta.

SALÓN DO LIBRO. A CIDADE

2009-12-03T16:54:00.002+01:00

Na aula de E.I. 5anos.

KILÓMETROS DE SOLIDARIDADE

2009-12-01T20:29:00.001+01:00

CONTAESCOLAS

2009-11-30T23:30:00.002+01:00

1ª Sesión do programa de

Animación á lectura que

rematará cunha xuntanza dos

participantes o Día do Libro

no auditorio de Monteporreiro.

SALÓN DO LIBRO. A CIDADE

2009-11-27T22:32:00.005+01:00

Xa estamos traballando

para participar no Salón.

Nós que vivimos na aldea,

estamos aprendendo moito da cidade.

En Decembro para aprender máis,

visitaremos Pontevedra.

Hoxe o alcalde na súa visita a Verducido

invitounos a visita-la casa do Concello,

que é a casa de tódolos cidadáns.